Valon Behrami refuzon shumë para nga Katari, afër rikthimit në Zvicër

Valon Behrami do të largohet nga Udinese gjatë këtij afati kalimtar të verës.

Në fakt ylli nga Kosova e ka opsionin për rinovim të kontratës por ende nuk ka vendosur për një gjë të tillë.

Mesfushori kosovar duket se do të transferohet tek skuadra zvicerane Sion, pasi këtë e ka konfirmuar presidenti i ekipit zviceran Christian Constantin.

“Behrami është një futbollist i madh, një luftëtar. Kemi kohë që po bisedojmë dhe po presim me padurim të na bashkohet”.

“Ai ka pasur edhe një ofertë të lartë nga Katari, por nuk do të shkoj atje pasi dëshiron të qëndrojë afër familjes”.

“Valoni do të nënshkruaj me Udinesen edhe për një vit ose do të transferohet te Sioni”, tha Constatntin.

Për Behramin do të ishte rikthim në futbollin zviceran pas 16 viteve, pasi në vitin 2003 u largua nga Lugano. /Telegrafi/