Challandes: Hadërgjonaj fantastik, por problemi është se nuk ka luajtur 6-7 javët e fundit
RajoniPress
10:42, 25 Maj, 2019
Florent Hadërgjona është ardhja më e re e Kosovës për ndeshjet e qershorit, duke mos harruar edhe Dresheviç dhe Ibrahimaj.
Trajneri i Kombëtares së Kosovës, Bernard Challandes, është shprehur i lumtur me faktin se më në fund, talenti 24-vjeçar i Huddersfield Toën i është bashkuar Kosovës.
Por, Hadërgjonaj nuk ka luajtur në ndeshjet e fundit në Premierligë, skuadra e shqiptarit do të bëjë gara në Championship sezonin e ardhshëm.
Ibrahim Dresheviç dhe Ylldren Ibrahimaj janë dy prurjet tjera të reja te Kosova.
“Hadërgjonaj? Jam i lumtur që e kemi Hadërgjonajn, është lojtar i mirë dhe mund të na ndihmojë. Problemi i vetëm është se nuk ka luajtur 6-7 javët e fundit, por është stërvitur”, tha Challandes.
“Dresheviç dhe Ibrahimaj? Dresheviç dhe Ibrahimaj janë dy lojtarë të rinj. Do shoh mentalitetin e tyre dhe si do integrohen në ekip. Është mirë për mua dhe ekipin t’i kemi dy lojtarë të rinj në skuadër”.
Në dy ndeshjet e muajit qershor, Kosova do t’i luajë kundër Malit të Zi, më 7 qershor në Podgoricë dhe kundër Bullgarisë, më 10 qershor në Sofje. /Gazeta Express/
