Gol në minutën e fundit, Muriqi shpëton skuadrën nga humbja
RajoniPress
17:57, 4 Maj, 2019
Vedat Muriqi ka qenë sërish protagonist për skuadrën e tij Rizespor, duke shënuar një gol në minutat e fundit në ndeshjen kundër Ankaragucu.
Rizespor ishte mysafir i Ankaragucu në kuadër të xhiros së 31-të në Superligën e Turqisë.
Deri në minutën e 91-të të ndeshjes, Ankaragucu ishte duke e fituar ndeshjen me rezultat, 2-1, pas golave të shënuar nga Michal Pazdan (84’) dhe Ilhan Parlak (59’). Golin për mysafirët e shënoi Dario Melnjak (26’).
Mirëpo, Muriqi u sigurua që ndeshja të mos përfundojë në këtë mënyrë. Në minutën e 90+1’ të ndeshjes, kosovari e shënoi golin nga penaltia që ia siguroi një pikë Rizesporit.
Vedat Muriqi e kishte gjetur portën edhe një herë tjetër në këtë ndeshje, mirëpo goli ishte anuluar më vonë për shkak të pozitës jashtë loje. /IndeksOnline/
