Hoti: PAN-i po e mban peng Kuvendin

Shefi i Grupit Parlamentar të LDK-së, Avdullah Hoti, ka thënë se Kuvendi i Kosovës ka kohë që po mbahet peng nga PAN-i, duke thënë se është një pakicë qeverisëse pa legjitimitet që po e shfrytëzon situatën e krijuar nga mungesa e një grupi të deputetëve që përfaqësojnë komunitetet pakicë.

“Në sesionin vjeshtor 2018, të 11 seancat e filluara patën mbetur të hapura. Pikat e rendit të ditës të atyre seancave u bartur në këtë vit. Sivjet prapë është e njëjta situatë. Janë 8 seanca të hapura me 61 pika të rendit të ditës”, shkruan Hoti në Facebook.

Ai thotë se Kryetari i Kuvendit Kadri Veseli, si shef i PAN-it, “i lut tani grupet parlamentare që t’i diskutojnë çështjet që presin për votim me deputetë dhe të dakordohen për datën e votimit të tyre”.