‘Shqiptarizimi’ i Ligës së Evropës, shumë yje shqiptare priten të shkëlqejnë sonte

Në kuadër të fazës së 1/32-ës së finales së Ligës së Evropës sot do të zhvillohen 15 ndeshje atraktive.

Një ndeshje e Ligës së Evropës për këtë fazë tashmë është zhvilluar në Turqi, mes Galatasaray dhe Zenitit, e cila mbaroi në favor të turqëve me rezultat, 1:0.

Skuadrat favorite si Arsenali, Interi, Chelsea dhe Napoli kanë përballje tejet të lehta në këtë faze, së paku në letër, shkruan Zëri.

Arsenali është mysafir i BATE, Interi përballet me Rapid Wien, Chelsea takohet me Malmon dhe Napoli udhëton në Zvicër për t’u përballur me Zurich e Benjamin Kolollit, Hekuran Kryeziut dhe Mirlind Kryeziut.

Por, Kryeziu dhe Krasniqët nuk janë shqiptarët e vetëm që do të luajnë sonte në kuadër të Ligës së Evropës.

Valon Berisha, Riza Durmishi dhe Thomas Strakosha priten të luajnë ndaj Sevillës në kryeqytetin italian sonte, teksa për Napolin pritet të startojë Elseid Hysaj kundër Zurich.

Tek Arsenali janë ftuar Granit Xhaka dhe Shkodran Mustafi, teksa në Dinamo Zagreb do të luajë i pazëvendësueshmi, Amir Rrahmani./Zëri/