Legjenda e Gjilanit Premton Muja i thotë lamtumirë futbollit

Ish sulmuesi i Gjilanit, Premton Muja, i cili plot 16 vite ka djersitur fanellën e Gjilanit i ka thënë lamtumirë futbollit aktiv, duke i var këpucët në gozhdë. Muja që nga mosha 16 vjeçare ishte pjesë e pandarë e “bardhë e kuqëve” të Gjilanit, duke qenë golashënuesi më i mirë i të gjitha kohërave tek kjo skuadër.

Muja ka mbrojtur edhe ngjyrat e Drenicës, Besës, Hlluqin (Qeki) F.Kosovë, Vllazni të Pozhoranit, Kika, Elbasan dhe te KEKU.

Zyrtarët e Gjilanit në shenjë falënderimi për kontributin e dhënë në klubin e Gjilanit, i kanë dhuruar një dhuratë simbolike ndërsa tifozët “Skifterat” kishin përgatitë një pankart duke ju falënderuar Mujës gjithçka që ka bërë për ngjyrat “bardh e kuq”.

“Është një ndjejnë e veçantë jam shumë krenar që kam djersit ngjyrat e Gjilanit, faleminderit të gjithëve që më kanë përkrah gjatë këtyre viteve e një falënderim i veçantë ju shkon tifozëve “Skifterave”, që për mua janë tifozët më të mirë në botë”, ka thënë Premton Muja./rajonipress/