Afrim Shahini “xhokeri” i Dritës

Gjilan – Ish “gardiani” i Dritës plot 13 vite dhe 10 vite ndihmës trajner dhe trajner i portierëve tek “bardh e kaltërtit” e Dritës, Afrim Shahini, i cili posedon Licencën B të trajnerëve është njeriu i cili asnjëherë nuk e tradhtoi skuadrën e tij Dritën.

Shahini me të drejt është “xhokeri” i artë tek Drita, gjerë më tani shumë trajner kanë ardhur e shkuar nga Drita, por Shahini me besnikërinë e tij ndaj klubit të Dritës ka dëshmuar se është legjendë e “bardh e kaltërve”.

Ish portieri dhe trajner i tanishëm, Shahini, kjo besnikëri ndaj klubit të Dritës ju ka shpaguar, ai si portier kishte arritur të stoliset me Kupën e Kosovës në vitin 2000/01, ndërsa titullin e kishte gëzuar në vitin 2002/03.

Shahini si trajner vazhdon sukseset e tij duke u stolisur me titull të kampionit në edicionin 2017/18 dhe Superkupën e Kosovës po në këtë vit.

Kualitetet e Shahinit si trajner janë dëshmuar edhe në ndeshjen e barazhit me Flamurtarin e Prishtinës, ku nën drejtimin e tij skuadra e Dritës arrin t`i shpëtoj më të keqes.

Si në shumë klube njashtu edhe tek Drita, shumë trajner kanë udhëhequr skuadrën por janë larguar ndërsa Afrim Shahinit ju ka besuar puna e mëtutjeshme duke e udhëhequr skuadrën në momentet më kritike duke dal gjithmonë fitimtar.

Me largimin e trajnerit Bekim Isufi, ky post ju ka besuar Shahinit të udhëheq skuadrën gjerë në momentet e caktuara.
“Respekt për çdo trajner që ka kontribuar për ngjyrat e klubit, me trajnerin Bekim Isufi kemi kaluar momente tejet të mira çka edhe dëshmojnë rezultatet e arritura, Isufi është një trajner mjaft i talentuar dhe modern unë i dëshiroj suksese të pafund në karrierën e tij, ai ka lënë një zbrazëti në skuadër por ishte vendim i tij dhe ne çdo vendim personal e përshëndesim”, ka bërë të ditur Shahini.

Shahini shpreson se pikërisht ndaj Feronikelit skuadra e Dritës do të arrijë në rezultate të favorshme.
“Feronikeli është skuadër mjaft e fort me futbollist mjaft cilësor, e respektojmë, por duke e ditur potencialin tonë që kemi në skuadër shpresoj se do të dalim faqe bardh nga ky takim”.

Nuk ka dyshim se “xhokeri” Afrim Shahini në zejen e trajnerit do të ketë suksese të mëdha, ai para fillimit të kampionatit kishte oferta nga klubet e ndryshme të Kosovës por ai edhe më tutje i mbetet besnik skuadrës të cilën ja fali rininë./rajonipress/