Agjencia gjermane e lajmeve, DPA, thotë se PDK-AAK-Nisma favorite në zgjedhje

Agjencia gjermane e lajmeve, DPA, pasi përkujton se çështja e liberalizimit të vizave ka mbetur peng për shkak të moszbatimit të demarkacionit me Malin e Zi dhe autonomisë së serbëve në Kosovë, shkruan se Kosova ka mbetur ndër vendet më kriminale dhe më të korruptuara të Europës – përfshirë tregtinë me armë, drogë dhe njerëz në nivel tepër të lartë.

Agjencia gjermane e lajmeve thekson se drejtësia në Kosovë është e paaftë, e korruptuar dhe shpeshherë dorë e zgjatur e politikës. Mjerimi ekonomik dhe social – përfshirë papunësinë në nivel rekord para së gjithash në mesin e të rinjve – po i shtyn njerëzit në rrjete kriminale, shkruan DPA.

Sipas DPA SHBA-të dhe Bashkimi Europian prej vitesh mendojnë se si t’i zënë mat politikanët udhëheqës të Kosovës për shkak se ata tradicionalisht si prijës klanesh po i ashpërsojnë problemet ekzistuese në Kosovë.

Shpresat varen nga gjykata e sapothemeluar ndërkombëtare mbi trajtim e krimeve të luftës të palës shqiptare para së gjithash ndaj serbëve. Por, me sa duket radikalët shpresojnë se duke marrë qeverinë ta bëjnë të pamundur ndjekjen e përfaqësuesve të tyre kryesorë nga Haga.DPA kritikon krahun koalicion e përbërë nga PDK, AAK dhe Nisma, por për të shkuan se po prin në anketat elektorale dhe është favorit për t’i fituar zgjedhjet.

Agjencia gjermane thekson se në zgjedhjet e 11 qershorit Lëvizja Vetëvendosje pritet të shënojë rritje të ndjeshme. Deri më tani VV ka qenë forca e tretë politike në vend. Kjo parti nga DPA përshkruhet si tepër nacionaliste.