Haziri: PDK ndodhet në panik sepse po ua zbardhim dosjet dhe keqpërdorimet

Gjilan – Lutfi Haziri nuk po i merr me shumë seriozitet akuzat dhe dërgimin e lëndëve në Prokurori kundër qeverisjes së tij nga ana e PDK-së. Haziri për rajonipress tha se krejt këto akuza të PDK-së po bëhen për shkak se ata ndodhen në panik nga zbardha e dosjeve për qeverisjen e tyre dhe keqpërdorimet e shumta që kemi gjetur.

Lutfi Haziri nuk po tregon shenja brengosjeje për akuzat dhe lëndët që po dërgon PDK në prokurori kundër qeverisjes së tij komunale raporton rajonipress.

Heshtja e Hazirit e ka një arsyetim që sipas tij ka të bëjë me panikun që po mbretëron në kampin e PDK-së. “Krejt këto akuza të PDK-së po bëhen për shkak se ata ndodhen në panik nga zbardha e dosjeve për qeverisjen e tyre dhe keqpërdorimet e shumta” tha Haziri për rajonipress.

Haziri tha se zyrtarët e tij kanë konstatuar gjetje të shumta në qeverisjen e PDK-së dhe tani janë grumbulluar një numër i madh i dosjeve dhe rasteve ku janë konstatuar lëshime dhe tani ato vepra veç janë duke u hetuar.”Pos këtyre rasteve që janë duke u hetuar do të dërgohen edhe një numër tjetër për hetime. Keqpërdorimet dhe abuzimet nuk mund të fshihen duke akuzuar rrejshëm të tjerët. Kur hajni bënë me gisht- kjo i përngjanë” tha me ironi Haziri./rajonipress/