14 mijë libra shqip nisen nga Shqipëria në diasporë

14 mijë libra janë nisur drejt diasporës, për të mësuar shqip fëmijët shqiptarë që jetojnë jashtë vendit.

Lajmin e ka bërë me dije vetë Ministrja e Arsimit dhe e Sportit Ogerta Manastirliu, duke theksuar se ky është viti i gjuhës shqipe.

Ajo tha se Ministria e Arsimit tashmë ka vendosur lidhje me shoqata në vende të ndryshme europiane.

Bëhet fjalë për botimet e nivelit të parë dhe të dytë të gjuhës shqipe dhe të kulturës shqiptare, në mënyrë që kjo t’u përcillet të gjithë nxënësve shqiptarë në botë që të njohin letërsinë shqipe.

“Përpara nisjes së vitit shkollor, ne po përgatitemi që të shpërndajmë tekste shqip për fëmijët e diasporës, kudo që ata jetojnë. Të gjithë mësuesit e diasporës janë tashmë gati për të mësuar fëmijët tanë.

E kemi quajtur vitin e gjuhës shqipe. Kemi qenë të gjithë të angazhuar që të ecim sa më shpejt me çfarë nevojitet përsa i përket kompletimit me tekste të niveleve të ndryshme në gjuhën shqipe, ku Ministria e Arsimit dhe Sportit menaxhon të gjitha aspektet, deri në dërgimin e teksteve shqip. Kemi vendosur lidhje me shoqata dhe me programe që po zhvillojmë siç është programi “Mësues për Shqipërinë”, Ogerta Manatsirliu.

Ajo tha se ky program po zvillohet për mbështetjen e gjuhës shqipe për fëmijët në diasporë, duke shtuar faktin se po bashkëpunojnë me Kosovën për botimin e nivelit të tretë.