Plagosje me armë në Itali, dyshohet për një shqiptar

Mbrëmë në Verna di Umbertide, Itali, ku dy burra kanë mbetur të plagosur si pasojë e një konflikti me armë zjarri. Mediat italiane raportojnë se njëri prej personave të përfshirë dyshohet të jetë me origjinë shqiptare, përcjell albinfo.ch.

Referuar të dhënave paraprake, ngjarja ka lidhje me një larje hesapesh, e cila mund të jetë shkaktuar nga çështje që lidhen me trafikun e drogës. Njëri prej të plagosurve ra në tokë përpara një bari dhe një dyqani duhani në zonë, ku u qëllua në këmbë – sipas hetuesve, autori nuk kishte për qëllim ta vriste.

Personi i dytë, i cili ndodhej në vendngjarje, tentoi të largohej drejt përroit Nestoro, por ndaj tij u qëllua edhe me disa plumba të tjerë. Ngjarja ndodhi në sy të shumë qytetarëve që mbetën të tronditur nga skena e dhunshme.

Autoritetet italiane kanë nisur hetimet për zbardhjen e plotë të ngjarjes dhe identifikimin e autorëve të përfshirë. Gjendja shëndetësore e të plagosurve nuk është bërë ende publike. Pista kryesore ku po përqendrohen hetimet lidhet me aktivitetin kriminal dhe konfliktet brenda rrjeteve të trafikut të drogës.