Zylfiu: Nuk pajtohemi me ndarjen e bursave, është një vendim destimulues

Gjilan – Mehmet Zylfiu, kryetar i Parlamentit të Studentëve në Universitetin “Kadri Zeka” në Gjilan, ka dërguar një ankesë rreth vendimit të bursave universitare. Parlamenti Studentor si organi më i lartë i përfaqësimit të studentëve nuk e përkrahë këtë vendim pasi e cilëson si destimulues dhe si vendim i cili nuk përmbushë kërkesat tona dhe shprehim vërejtje edhe për vijën buxhetore të ndarë në vlerë prej 10.000 € tash e dy vite radhazi ka shkruar Zylfiu.

Në reagimin e Zylfiut thuhet se ditë më parë Rektori i Universitetit “Kadri Zeka”, Bajram Kosumi ka marrë një vendim në lidhje me çështjen e bursave universitare ku thuhet se nga kodi buxhetor të paraparë për këtë vijë pra shuma prej 7760 € do tu ndahet proporcionalisht studentëve me notë mesatare së paku 9.5 përveç studentëve të Fakultetit të Shkencave Kompjuterike që u kërkohet nota mesatare së paku 9.0.

Parlamenti Studentor si organi më i lartë i përfaqësimit të studentëve nuk e përkrahë këtë vendim pasi e cilëson si destimulues dhe si vendim i cili nuk përmbushë kërkesat tona dhe shprehim vërejtje edhe për vijën buxhetore të ndarë në vlerë prej 10.000 € tash e dy vite radhazi.

Ne kërkojmë që studentët e Fakultetit të Edukimit, Juridik dhe Ekonomik me notë mesatare së paku 9.0 dhe studentët e Fakultetit të Shkencave Kompjuterike me notë mesatare së paku 8.5 të jenë përfitues të Bursës Universitare vlera e të cilës duhet të jetë e njëjtë me atë të Universitetit të Prishtinës dhe kjo çështje duhet të zgjidhet sa më parë që është e mundur gjë që kërkojmë një përgjigje konkrete nga ju.

Të nderuar, ne sinqerisht besojmë se ju do të merreni seriozisht me këtë shqetësim tonin kur dihet se kjo kërkesë e jona është vetëm ajo çka studentëve u garantohet me statutin e universitetit të tyre dhe në të njëjtën kohë ata nuk do të ndiheshin të diskriminuar nga kolegët e tyre bursist në Universitet tjera Publike të vendit dhe kur dihet se në pyetje janë pjesa më vitale e shoqërisë dhe ambasadorët më të mirë të vendit pra studentët e dalluar thuhet në reagimin e Mehmet Zylfiut./rajonipress/