Xherdan Shaqiri shpallet “Lojtari i Ndeshjes”

Anësori i Stoke Cityt, Xherdan Shaqiri, është shpallur “Lojtari i Ndeshjes” mbrëmjen e sotme pas fitores që skuadra e tij shënoi ndaj kampionit aktual në Premier Ligë, Chelseat.

“Fitore e madhe sot. Faleminderit “Potters” për përkrahjen e mrekullueshme që na dhatë sonte!. #manofthematch”, ka shkruar Shaqiri në Instagram, raporton Koha.net.

Stoke City sot ka shënuar fitore të rëndësishme ndaj Chelseat, të cilët po kalojnë formën më të dobët në pothuajse 40 vjetët e fundit.

Shaqiri ka krijuar disa raste gjatë kësaj ndeshjeje, megjithatë, nuk arriti që të konkretizonte ndonjërin prej aksioneve të tij.

Ai më herët u vlerësua me notën 8, si më i miri nga të dyja skuadrat.

http://koha.net/?id=6&l=83275