Vitia po kremton festën e “28 Nëntorit”

Viti – Me rastin e 28 Nëntorit-Ditës së flamurit kombëtarë shqiptarë sot në Viti, fillimisht për nderë të kësaj dite është mbajtur një seancë solemne nga Kuvendi Komunal i Vitisë, ku nga një fjalë rasti kanë mbajtur Bekim Azizi, kryesues i këtij organi, zv.kryetari i komunës së Vitisë, Hasan Aliu si dhe Abdyl Bajrami nga OVL- UÇK në Viti.

Më pas të gjithë bashkërisht kanë bërë homazhe në varrezat e dëshmorëve në Viti, ku edhe u vendosën kurora lulesh dhe u përkujtuan dëshmorët e rënë për liri. Ndërkaq nën organizimin e komunës, konkretisht të drejtorisë për Kulturë, Rini dhe Sport, u mbajt edhe një koncert festiv në sallën e koncerteve brenda shtëpisë së kulturës “Gursel e Bajram Sylejmani”.

Ndërkaq në kuadër të këtyre aktiviteteve poashtu sot do të zhvillohen edhe disa aktivitete sportive në palestrën shkollore brenda IAAP “Jonuz Zejnullahu” në Viti si dhe do të bëhet zbulimi i pllakës përkujtimore për atdhetarin dhe intelektualin Sabit Rexhepi në Gjylekar të Vitisë.

Kryesuesi i Kuvendit Komunal të Vitisë, Bekim Azizi gjatë seancës solemne që është mbajtur sot për nderë të 28 Nëntorit-Ditës së Flamurit, ka folur për rëndësinë e 28 nëntorit ndër vite.
“Nëntori është festë që ka bashkuar përherë shqiptarët dhe i ka orientuar ata drejt së ardhme. Festat e nëntorit janë përherë festat e krenarisë sepse fillet e lirisë, flamurit janë orientuar në nëntor“, u shpreh kryesuesi Azizi.

Ai tha se kontributi i heronjve, dëshmorëve, veprimtarëve, martirëve ndër shekuj kanë sjellur nëntor duke porositur se duhet të jemi mirënjohës për kontributin e tyre.

Ndërkaq zv. kryetari i komunës së Vitisë, Hasan Aliu e çmoj lartë këtë festë dhe pati një porosi për shqiptarët. “Sakrifica shekullore e kombit tonë na obligon secilin prej nesh që të ndërtojmë dhe ruajmë me dashuri shtetin dhe shoqërinë demokratike. Ne e kemi obligim moral dhe amanet e të parëve tanë që ti ruajmë vlerat tona kombëtare, gjuhën, traditën, simbolet dhe gjithçka që është pjesë e kombit tonë dhe që frymon shqip. Ne duhet të punojmë me angazhim maksimal dhe të bashkuar duke marrë si udhërrëfyes atdhetarët dhe luftëtarët e lirisë dhe të përcjellim brez pas brezi dashurinë dhe sakrificën e popullit tonë që të arrijmë majat më të larta të shoqërisë globale” u shpreh Aliu.

Kurse një fjalë rasti ka mbajtur edhe Abdyl Bajrami nga OVL-UÇK në Viti, i cili ju ndër tjerash uroj të gjithë shqiptarëve ku do të janë këtë festë.

Ndërkaq pas kësaj seance përfaqësuesit e Institucioneve komunale të Vitisë, policia e Kosovës, qytetarë, përfaqësues të subjekteve politike e të tjerë kanë bërë homazhe të varrezat e dëshmorëve në Viti, ku u përkujtuan dëshmorët e kësaj komune të cilët dhanë jetën për lirinë e këtij vendi.

Më pas nën organizimin e Drejtorisë për Kulturë, Rini dhe Sport në Viti është mbajtur një koncert festiv nga artdashësit vitias.

Ndërkaq në kuadër të këtyre aktiviteteve poashtu sot do të zhvillohen edhe disa aktivitete sportive në palestrën shkollore brenda IAAP “Jonuz Zejnullahu” në Viti si dhe do të bëhet zbulimi i pllakës përkujtimore për atdhetarin dhe intelektualin Sabit Rexhepi në Gjylekar të Vitisë./rajonipress/

Shpërndaje.
© RAJONIPRESS