Vihet gurthemeli për ndërtimin e Stacionit të Autobusëve në vlerë prej 1 milion euro

Gjilan – Kanë nisur punimet për ndërtimin e Stacionit të Autobusëve në Gjilan, ku dhe është vënë gurthemeli.

Kryetari i Komunës së Gjilanit, Alban Hyseni, tha se objekti i vjetër do të rrënohet dhe do të ndërtohet i riu.
“Vlera e investimeve do të jetë rreth 1 milion euro. Ky projekt është shumë i rëndësishëm për udhëtarët dhe transportuesit vendës e të huaj, ku do të kenë kushte e shërbime cilësore”, tha Hyseni.

I pari i Gjilanit, tregoi se ky është gurthemeli i një epoke të re për transportin në Gjilan.
“Ky projekt madhor, do të shënojë një epokë të re për transportin në qytetin tonë”, tha Hyseni./rajonipress/