Vdes Chinua Achebe , ikona e letërsisë afrikane

Shkrimtari nigerian Chinua Achebe, një ikonë e letërsisë, romani i të cilit “Things Fall Apart”, i botuar në vitin 1958, tërhoqi vëmendjën botërore, vdiq në moshën 82-vjeçare.

Një autor i më shumë se 20 librave, Chinua Achebe ishte i njohur botërisht për rrëfimin e tregimeve afrikane një audience të gjerë.

Ai është shpërblyer me çmimin më të lartë të vendit të tij për arritje intelektuale, Shpërblimin Kombëtar Nigerian të Meritës.

Achebe është pjesë e rëndësishme e letërsisë afrikane dhe është i njohur në tërë kontinentin për romanet e tij, në veçanti ‘Anthills of the Savannah’, që ishte në listën e ngushtë për çmimin Booker në vitin 1987, dhe ‘Things Fall Apart’.

Ky i fundit u përkthye në disa gjuhë botërore. I vendosur në Nigerinë parakolonizuese, ‘Things Fall Apart’ portretizon historinë e një farmeri, Okonkwo, i cili lufton për të ruajtur zakonet e tij, pavarësisht presionit të kolonizatorëve britanikë.

Në një deklaratë, botuesi i tij Penguin Books e përshkroi atë si ‘shkrimtar briliant dhe gjigant të letërsisë afrikane. Nelson Mandela tha se ‘ai ia solli Afrikën pjesës tjetër të botës’.

Presidenti i Nigerisë Goodluck Jonathan i bëri homazhe shkrimtarit Achebe, duke e konsideruar atë si një ikonë kulturore, nacionalist dhe artist.

Presidenti i Afrikës Jugore Jacob Zuma tha se ishte i pikëlluar nga humbja e ‘një kolosi të letërsisë afrikane’.

“Ishte në romanin e tij të famshëm ‘Things Fall Apart’ që shumë afrikanë e panë vetën e tyre në letërsi dhe në arte në kohën kur shumica e veprave për Afrikën ishin të shkruar nga joafrikanë”, tha Zuma.