Vazhdon çoroditja e KEDS-it, zhgënjehen mërgimtarët

Gjilan – KEDS-i as pas katër ditësh nuk ka arritur ta evitojë defektin në lagjen e tetë. Ndonëse ata thonë se fjala është për mbingarkesë, banorët thonë se aty ekziston një defekt që KEDS-i nuk po mundet ta evitojë.

KEDS-i ka vazhduar me eksperimentin e radhës në disa lagje të qytetit të Gjilanit. Në veçanti lagjja e tetë është me e goditur, meqë ka katër ditë që energjia elektrike është e destabilizuar.

Nijazia një mërgimtar i cili ka ardhur të shtunën nga Zvicra tha se tërë aparatura e shtëpisë është e çrregulluar.”Një fazë bënë, pastaj faza tjetër nuk bënë, gjithçka është çrregulluar në shtëpi dhe nuk po funksionojnë aparaturat” u shpreh ai.

Shabani një banor tjetër tha se kjo që po ndodhë me KEDS-in është turp.”Nuk bëhet fjalë për mbingarkesë, por KEDS-i nuk po mundet ta gjejë defektin. Kjo është turp çfarë po ndodhë me 800 shtëpi” u shpreh Shabani.

Viktor Buzhala i kontaktuar nga rajonipress tha se ekipet e KEDS-it të hënën pritet të dalin në vendin e ngjarjes, ne dyshojmë se bëhet fjalë për mbingarkesë të energjisë elektrike tha Buzhala./rajonipress/