Vavalis: Plzen kundërshtar i vështirë

Gjilan – Sot është hedhur shorti për rundin e dytë në kuadër të Conference League, ku klubi i Dritës do të ketë përballë ekipin Çek, Viktoria Plzen.

Në lidhje me shortin e hedhur, trajneri i Dritës, Vavalis, ka theksuar. “Një ndeshje shumë e rëndësishme. Kemi një kundërshtarë shumë të vështirë, një kundërshtarë që viteve të fundit ka luajtur në faza të grupeve. Klubi jonë në vitet e fundit e ka dëshmuar që kundër kundërshtarëve të fort ka pasur përformanca të shkëlqyera dhe shpresojmë shumë që edhe këtë vit të bëjmë mirë dhe pse jo të shkaktojmë befasi. Të gjithë e din që ne nuk jemi favorit për këtë ndeshje por ne do të luftojmë për shanset tona. Do të jetë një ndeshje e madhe dhe një mundësi e mirë për të gjithë lojtarët tanë dhe për tifozët tanë që të shohin një ndeshje rivalizuese”.

Ndeshja e parë ne mes Dritës dhe Plzen, do të zhvillohet me 27 Korrik 2023, ndërsa ajo e kthimit me 3 Gusht 2023.