Gjilan – Duke pasur parasysh se një numër i caktuar i familjeve në Gjilan, kanë nevojë për ndihma, ngase ata jetojnë në kushte të vështira, Lëvizja “Vatra” ka grumbulluar një sasi të konsiderueshme veshmbathje, të cilat i ka dorëzuar në Kryqin e Kuq në Gjilan.
Zyrtarët e Kryqit të Kuq e mirëpritën këtë ndihmë dhe falënderuan Lëvizjen “Vatra” për këtë aksion. Ata thanë se në Gjilan kemi një numër të konsiderueshëm familjesh që kanë nevojë për ndihma të vazhdueshme me gjëra ushqimore, veshmbathje, mjete higjienike, shtrojë e mbulojë e deri edhe me mjete financiare.
Ndihma të tilla, në emër të humanizmit dhe të solidaritetit mund të bëjnë të gjithë qytetarët, bizneset, institucionet, me një fjalë të gjithë vullnetmirët që janë të gatshëm të ndihmojnë familjet skamnore.
Prandaj edhe këto veshmbathje janë të mirëseardhura për ne, respektivisht për familjet skamnore, të cilat frekuentojnë te ne në vazhdimësi, pohuan zyrtarët e Kryqit të Kuq në Gjilan thuhet në njoftimin e Lëvizjes “Vatra”./rajonipress/
