Variant loje

Poezi nga Ramadan Mehmeti

Kërkoj prejardhjen time të lashtë
Ma tregojnë majmunin
Ç’përgjasim i marrë
Zogu në fluturim

Ma peshon pikëllimin
Me plagën e Gjergj Elez Alisë
Gjeli historinë

Ma han kokërr më kokërr
Ç’përgjasim me paraardhësit e mi
Macja në sofër grimcon
Qeni i lidhur në stelë

Leh ecjen time të mundimshme
Shikohet me mua në pasqyrë të pusit
Ujku hëngër qengjin

Pse ujin ia turbulloi
Gomari i gjorë
Ngordhi në hijen e vet

Nga mërzia
Njeriu u shikua në mua
I pëlqeu ai vend

U bë gur
Ç’përgjasim thua