Valencia blindon Mustafin

Valencia pritet t’i ofroj kontratë të re mbrojtësit shqiptar, Shkodran Mustafit.

Skuadra spanjolle Valencia është e vendosur të mbajë mbrojtësin shqiptar Shkodran Mustafi, dhe për këtë arsye është duke i përgatitur një kontratë të re.

Portali Deportevalenciano.com ka shkruar se Mustafi është i pari në listën e atyre që drejtuesit e Valencias synojnë t’ia vazhdojnë kontratën.

Mustafi tashmë llogaritet ndër mbrojtësit më të mirë në Spanjë dhe për të kanë shfaqur interesim edhe Barcelona e Real Madridi. Kontrata aktuale e Mustafit me Valencian është e vlefshme deri në qershor të vitit 2019.

“Mustafi është bërë njëri prej lojtarëve më të rëndësishëm te Valencia dhe në muajt e fundit ai është shndërruar në njërin prej lojtarëve më me peshë në fushë, por edhe jashtë saj”, ka shkruar Deportevalenciano.com .

“Kjo ka bërë që drejtuesit e klubit të mendojnë për t’i rinovuar kontratën dhe duket se ata tashmë kanë nisur punën për një kontratë që do të ishte e pranueshme për lojtarin. Drejtuesit e Valencias e dinë që mbajtja e Mustafit është në interesin sportiv të klubit, por po ashtu ai shihet si pikë referuese për tifozët”, ka shkruar sajti spanjoll.