Valë e të nxehtit gjatë javës së ardhshme, kaq do të shkojnë temperaturat

Mot kryesisht me kthjellime, por me pak vranësira lokale që mund të zhvillohen orëve të pasdites, pritet të mbajë sot në vend, sipas “Mendimi për motin”.

Temperaturat minimale zbresin në 15C e 18C, e ato maksimale gjatë ditës shkojnë deri në 31C e 33C.

Mot kryesisht me kthjellime e diell parashihet ditën e diel dhe ditëve të para të javës vijuese. Temperaturat shënojnë rritje prej 32C të dielen deri në 35C e 36C ditën e mërkurë. Orëve të pasdites të ditës së mërkurë, shfaqen mundësi për zhvillime të ndonjë rrebeshi shiu dhe bubullima.