Albulena Haxhiu pyetet se a do ta duronte gazin lotsjellës si kryeparlamentare, ja si përgjigjet

Albulena Haxhiu është paraqitur në seancën gjyqësore për gazin lotsjellës në Kuvend, në vitin 2016 – por seanca nuk u zhvillua shkaku i mungesës së disa prej të akuzuarve.

Ajo e quajti këtë proces “të padrejtë”, por që “për shkak të procedurave” duhet të paraqitet në seancë.

Haxhiu u pyet nga T7 nëse do “të duronte gazin lotsjellës” po qe se “zgjidhet në postin e kryeparlamentares”, për çka tha se “nuk do të ketë nevojë për gaz lotsjellës, me Kurtin kryeministër”.

“Unë kam thënë disa herë, nëse qeveria jonë do të bënte veprime kundër shtetit të Kosovës kundër qytetarëve të Republikës së Kosovës, natyrisht se veprimet opozitare janë të domosdoshme, duke përfshirë edhe gazin lotsjellës. Por unë nuk besoj asnjëherë që me qeverinë tonë, me kryeministrin Albin Kurti do të ketë marrëveshje të dëmshme për vendin, prandaj edhe besoj se s’do të ketë nevojë opozita për veprime të tilla”, tha Haxhiu.