Ushtria ende nuk është gati: Pos që duhet të bindet Lista Serbe, 39 ligje duhet të ndryshohen

Përkundër asaj që ish- kryeministri i Kosovës, Hashim Thaçi para disa vitësh kishte paralajmëruar themelimin e Ushtrisë së Kosovës, ajo ende duket larg.

Gazeta Blic ka mësuar se përpos pengesave që po i bën Lista Serbe për të votuar në Kuvend ndryshimet Kushtetuese për shndërrimin e FSK-së në Forca të Armatosura të Kosovës, duhet të ndryshohen dhe të plotësohen të paktën 39 ligje, që kanë dalë nga Analiza e Rishikimit Strategjik të Sektorit të Sigurisë.

“Çështjet që ndërlidhen me plotësimet dhe ndryshimet kanë të bëjnë kryesisht me emrin, misionin, detyrat dhe strukturën e Ministrisë për Forcën e Sigurisë së Kosovës dhe Forcën e Sigurisë së Kosovës”, ka thënë ky burim.

Ndërkohë, ky burim ka bërë të ditur se gjatë muajit mars MFSK do të dërgojë në Qeveri amendamentet kushtetuese dhe projektligjet për transformimin e FSK-së në qeveri

Në vazhdim Gazeta Blic ua sjell të gjitha ligjet që pritet të ndryshohen dhe plotësohen:

1.1. Ligjit nr. 03/L-045 për Ministrinë për Forcën e Sigurisë së Kosovës;

1.2. Ligjit nr. 03/L-046 për Forcën e Sigurisë së Kosovës;

1.3. Ligjit nr. 03/L-082 për Shërbimin në Forcën e Sigurisë së Kosovës;

1.4. Ligjit nr. 03/L-213 për Komponentin rezervë të Forcës së Sigurisë së Kosovës;

1.5.Ligjit nr. 2004/L-084 për pensionet e pjesëtarëve të Forcës së Sigurisë së Kosovës;

1.6. Ligjit nr. 2004/L-177 për Dërgimin e Forcës së Sigurisë së Kosovës jashtë vendit;

1.7. Ligjit nr. 04/L-089 për Deminimin Humanitar;

1.8. Ligjit 04/L-183 për transportin tokësor të mallrave të rrezikshme;

1.9. Ligjit nr. 04/L-216 për bashkëpunim ndërmjet autoriteteve të përfshira në menaxhimin e integruar të kufirit;

1.10. Ligjit nr. 04/L-022 për përdorim civil të eksplozivëve;

1.11. Ligjit nr. 03/L-143 për armët;

1.12. Ligjit nr. 04/-L-027 për mbrojtje nga fatkeqësitë natyrore dhe fatkeqësitë tjera;

1.13. Ligjit nr. 03/L-050 për themelimin e Këshillit të Sigurisë së Kosovës;

1.14. Ligjit nr. 03/L-178 për klasifikimin e informatave dhe verifikimin e sigurisë;

1.15. Ligjit nr. 04/L-109 për komunikimet elektronike;

1.16. Ligjit nr. 02/L-70 për sigurinë në komunikacionin rrugor;

1.17. Ligjit nr. 04/L-125 për shëndetësi;

1.18. Ligjit nr. 02/L-38 për inspektoratin shëndetësor;

1.19. Ligjit nr. 02/L-50 për kujdesin shëndetësor emergjent;

1.20. Ligjit nr. 03/L 244 për rezervat shtetërore të mallrave;

1.21. Ligjit nr. 04/L-018 për sigurimin e detyrueshëm nga auto përgjegjësia;

1.22. Ligjit nr. 04/L-070 për dhënien e dekoratave nga Presidenti i Republikës së Kosovës;

1.23. Ligjit nr. 04/L-054 për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjeve të tyre;

1.24. Ligjit nr. 04/L-088 për arkivat shtetërore;

1.25. Ligjit nr. 04/L-198 për tregtinë e mallrave strategjike;

1.26. Ligjit nr. 03/L-246 Për pajisje me armë, municion dhe pajisje përkatëse të sigurisë për institucionet e autorizuara shtetërore për siguri;

1.27. Ligjit nr. 04/L-049 Për zjarrfikje dhe shpëtim;

1.28. Ligjit nr. 04/L004 Për shërbimet private te sigurisë;

1.29. Ligjit nr. 03/L-200 për greva;

1.30. Ligjit nr. 03/L-180 për përdorimin dhe mbrojtjen e emblemës të Kryqit të Kuq, emblemave të tjera dalluese dhe sinjaleve;

1.31. Ligjit nr. 03/L-149 për Shërbimin Civil të Republikës së Kosovës;

1.32. Ligjit 04/L-051 për parandalimin e konfliktit të interesit në ushtrimin e funksionit publik;

1.33. Ligjit 04/L-050 për deklarimin, prejardhjen dhe kontrollin e pasurisë të zyrtarëve të lartë publik dhe deklarimin, prejardhjen dhe kontrollin e dhuratave për të gjithë personat zyrtarë;

1.34. Ligjit nr. 04/L-011 për organizimin sindikal në Kosovë;

1.35. Ligjit nr. 03/L-132 për protokollin e shtetit të Republikës së Kosovës dhe Ligjit nr. 03/L-235 për ndryshimin dhe plotësimin e Ligjit nr. 03/L-132 për protokollin e shtetit të Republikës së Kosovës;

1.36. Ligjit Nr. 04/L-161 për Sigurinë dhe Shëndetin në Punë;

1.37. Ligjit Nr. 04/L-023 për persona të zhdukur;

1.38. Ligjit Nr. 04/L-215 për shtetësinë e Kosovës;

Ligjit Nr. 03/L-038 për përdorimin e simboleve shtetërore të Kosovës.