Ushtarët amerikan përqafojnë aksionin për të dhuruar gjak vullnetarisht

Gjilan – Ushtarët e KFOR-it amerikan kanë shprehur gatishmërinë që të dhurojnë gjak vullnetarisht bashkë me drejtuesit e kryqit të kuq dhe qytetarët në Kamenicë.

Stafi i Kryqit të Kuq dega në Kamenicë ka pritur përfaqësuesit e KFOR-it Amerikan . Sekretari i degës së Kryqit të Kuq në Kamenicë Rexhep Morina, i ka njoftuar ushtarakët amerikan me programet e degës të cilat zbatohen në teren.

Përfaqësuesit e KFOR-it ndërkaq u interesuan për gjendjen ekonomike në teren, për familjet me gjendje te rënd socio-ekonomike, mënyrën se si mund t`i ndihmojnë familjeve me gjendje të rënd, si me ushqim, veshmbathje dhe gjëra tjera të nevojshme.

Interesim i veçantë i KFOR-it Amerikan ishte programi i Gatishmërisë dhe Reagimit në Fatkeqësi të cilin program dega e Kryqit të Kuq e ka si prioritet të parë në raste të fatkeqësive elementare natyrore.

Gjithashtu ushtarët amerikan kanë shprehur gatishmërinë që të organizojnë një aksion vullnetar për dhurimin e gjakut nga qytetarët dhe nga ushtarët e KFOR-it Amerikan. Kjo ide e ushtareve Amerikan u mirëprit nga sekretari i degës Morina.

Përfaqësuesit e KFOR-it Amerikan u zotuan se do të lobojn për shumë çështje që i takojnë Kryqit Kuq me mundësit e tyre që kanë. Njëherit do të interesohen që ndihmat të cilat shpërndahen në teren nga KFOR-i në të ardhmen të shpërndahen përmes Kryqit të Kuq dega në Kamenicë. /rajonipress/