Ujkani kërkon edhe fitore tjera

Portieri i Kosovës, Samir Ujkani, është shprehur i lumtur pas fitores kundër Omanit. Ai siç duket ka blinduar portën, pasi në dy ndeshje që ai ishte ‘gardian’ porta e gjashtë yjeve nuk është prekur asnjëherë. “Jemi shumë të kënaqur sepse kemi fituar, pas tri ndeshjeve pa fitore, pasi nuk është edhe lehtë. Është e vështirë pasi jemi vetëm që gjashtë muaj bashkë. Kemi pasur edhe kundërshtarë të vështirë si Turqia dhe Senegali, ndërsa sot kemi pasur Omanin dhe loja ka shkuar mirë.

Ata nuk kanë pasur shumë raste. Loja nuk kap qenë optimale dhe shumë mirë që nuk kemi pranuar gol”, tha fillimisht Ujkani. Ai shtoi se Kosova do të vazhdojë të punojë për të arritur fitoret e radhës, ndërsa kërkon të kenë sa më shumë ndeshje së bashku me bashkëlojtarët e tjerë.

“Ne do të vazhdojmë të punojmë për të arritur fitore. Në duhet të punojmë më shumë dhe nuk ka shumë kohë që jemi bashkë, pasi në kombëtaret tjera lojtarët kanë nga 50 lojë bashkë dhe stërvitin më shumë, por ne duhet të punojmë. Në luajmë në kampionate të ndryshme”, pohoi Ujkani. Sa i përket moskoordinimit me mbrojtësit herë pas herë, ai ‘fajin’ ua la shikueseve pasi që ishin shumë të zhurmshëm…(Arena).