U përkujtuan dëshmorët e Smirës dhe Lubishtës

Viti – Në përkujtim të rënies heroike të dëshmorëve të 5 Prillit të vitit 1999, nga fshatrat Smirë e Lubishtë, sot në varrezat e dëshmorëve në Viti, përfaqësuesit e Institucioneve Komunale në krye me zv. kryetarin e Komunës së Vitisë, Hasan Aliu, kryesuesi i Kuvendit Komunal të Vitisë, Bekim Azizi, përfaqësues të subjektet politike, të organizatave të dala nga lufta, familjarë të dëshmorëve dhe qytetarë të shumtë, kanë bërë homazhe dhe kanë vendosur lule në varrezat e dëshmorëve në Viti.

Përndryshe për nderë të kësaj dite në shkollat e fshatrave Lubishtë dhe Smirë do të zhvillohen edhe disa aktivitete të tjera.