“Tuxharë që e kanë grabitur LDK-në”, Tërmkolli reagon pas bisedave për vjedhje votash

Në media po qarkullon një bisedë e anëtarëve të kryesisë së Lidhjes Demokratike të Kosovës, ku flitej për vjedhje të votave.

Në lidhje me këtë situatë ka reaguar ish-deputetja Melihate Tërmkolli, e cila i ka quajtur anëtarët e LDK-së si “tuxharë”, raporton Zeri.info.

Ajo ka thënë se po të njëjtit LDK-në po e mbajnë vetëm për interest e tyre personale, teksa u shpreh se në zyrat e kësaj partie ka mbetur vetëm turpi.

“Të gjithë ata që përfoljet për krim elekroral brenda LDK-ës i quajnë demokraci, ose janë injorantë të LDK-ës së sotme ose nuk kanë lidhje me demokracinë. Në LDK, ka kohë që lufta e vetme që bëhet është lufta kundër njëri tjetrit, në mungesë të guximit për t’u përballë me partitë tjera dhe në mungesë të vullnetit për të punuar për Kosovën.

Me këtë “sistem elektoral kriminal”, janë eliminuar politikisht shtyllat më të fuqishme e më atdhetare të LDK-ës e të Kosovës, për ta sjellë atë në “derexhen” që është sot!”, thuhet në reagimin e saj. /Zëri