Tiranë, ther për vdekje bashkëshorten me thikë

Tiranë – Një krim i rëndë ka tronditur mëngjesin e së shtunës kryeqytetin shqiptar. Një burrë ka therë me thika bashkëshorten e tij në mes të rrugës, pas një sherri të ashpër që patën mes tyre, për motive ende të panjohura.

Sipas informacioneve të para të policisë, autori i dyshuar i këtij krimi, Gerti Çarçani ka qëlluar katër herë me thikë bashkëshorten e tij, Valbona Çarçani, në rrugën “Tefta Tashko” të Tiranës, raporton TCH.

Gruaja ka ndërruar jetë menjëherë, ndërsa Çarçani ka tentuar që të largohet me shpejtësi nga vendi i ngjarjes. Mësohet se pas krimit, Çarçani i rezistoi thirrjeve të policisë për t’u dorëzuar, ndërsa u prangos vetëm disa minuta pas ngjarjes.