Thaçi thirrje institucioneve arsimore: Zgjidheni situatën e krijuar në Universitet

Kryeministri Hashim Thaçi është deklaruar sot për herë të parë sot për gjendjen e krijuar në UP, si pasojë e daljes në shesh të disa mashtrimeve akademike të Rektorit Ibrahim Gashi dhe profesorëve tjerë.

“Menjëherë pas kthimit prej Konferencës së Mynihut për Sigurinë, thirra ministrin e arsimit, Z. Ramë Buja për të raportuar mbi situatën e krijuar në Universitetin e Prishtinës. Duke respektuar autonominë e Universitetit të Prishtinës u bëj thirrje organeve përkatëse të universitetit që të dëshmojnë nivel të lartë përgjegjësie, dhe, në bazë të statutit të Universitetit të Prishtinës si dhe legjislacionit në fuqi për arsimin e lartë, të angazhohen për ta zgjidhur këtë situatë”, ka shkruar Thaçi në profilin e tij në Facebook.