Thaçi preferon shpërbërjen e Parlamentit

Kosovarët brenda pak muajsh do t`u drejtohen kutive të votimit. Partitë më të mëdha në vend pritet që të merren vesh për shpërbërjen e parlamentit aktual me qëllim që 45 ditë prej momentit të shpërbërjes të shkohet në zgjedhjet ë rregullta.

Skenari i shpërbërjes së parlamentit, pos që do të shpejtonte zgjedhjet, sipas burimeve të gazetës është edhe skenari i preferuar nga kryetari i PDK-së Hashim Thaçi, që njëherësh është edhe kryeministër aktual i Kosovës.

Arsyeja e këtij veprimi ka të bëjë me pakon për sundimin e ligjit që Kuvendi i Kosovës duhet ta kalojë. Pjesë e kësaj pakoje është edhe vendimi për themelimin e Tribunalit Evropian për UÇK-në.

PDK nuk është e interesuar që ky vendim të merret para zgjedhjeve nacionale për shkak të reagimeve që do të sjellë sidomos tek grupet që përfaqësojnë njerëzit e luftës së UÇK-së, ndërkaq që vonimi i këtij vendimi bën që Kosova të rrezikojë seriozisht marrëveshjen e Stabilizim- Asocimit…(Tribuna).