Thaçi përsërit: Faktet janë fakte, historia nuk ndryshohet – Serbia ka kryer gjenocid në Kosovë
RajoniPress
23:28, 22 Gusht, 2015
Ministri i Jashtëm i Republikës së Kosovës, Hashim Thaçi pas mbledhjes së Këshillit të Sigurimit të OKB-së, ku u shqyrtua Raporti i Sekretarit të Përgjithshëm mbi gjendjen në Kosovë në tremujorin e fundit, ka dhënë disa vlerësime lidhur me këtë ngjarje.
Në një intervistë për RTV21 në New York, ndër të tjera ka thënë se Kosova edhe në këtë tubim ka marr mbështetjen ndërkombëtare, veçmas nga vendet e Kuintit, në rrugën e vet drejt ndërkombëtarizimit.
Ai tha se homologu i tij serb, Ivica Daçiq, u shpreh me retorikë nacionaliste, por se faktet janë faktet e historia nuk ndryshohet
“Serbia ka kryer gjenocid, spastrim etnik, aparati represiv serb ka dhunuar mbi 20 mijë gra, ka larguar mbi një milion shqiptar, ka vrarë mbi 15 mijë qytetarë, ndaj nuk ka formulim tjetër pos se Serbia ka kryer gjenocid”, ka thënë ai.
