Tërmet në AKR – jep dorëheqje shumica e degës

Gjilan – Shumica e degës së AKR-së në Gjilan jep dorëheqje dhe qëndron pas Omer Dakut – kryetarit të degës së deritashme të AKR thuhet në një njoftim të dërguar nga Luan Kastrati.

Duke pasur parasysh se Dega e AKR-së dhe konkretisht kryetari i degës së AKR Omer Daku i dalur fitues drejtpërdrejte nga Kuvendi i –lll- zgjedhor ishte angazhuar maksimalisht për të bërë më të mirën e mundshme gjatë gjithë procesit deri më tani, dhe pas imponimit të vazhdueshëm e të njëanshëm për të vendosur kandidat të jashtëm për kryetar komune dhe për të krijuar krejtësisht një emër të ri të subjektit politik “Aleanca Demokratike për Gjilanin”, imponimi për të fut në listë kandidatë të cilët nuk kanë kontribuar për asnjë çast në AKR dhe sjelljen e tij se ai është “BOSI” ku mund të bëj kur të dojë dhe çfarë të dojë se ai është president dhe se ja lejon statuti, shumica absolute e anëtarëve të kryesisë së degës së AKR-së në Gjilan menjëherë japim dorëheqje të parevokueshme nga AKR dhe i qëndrojmë prapa Omer Dakut thuhet në një njoftim që ka dërguar Luan Kastrati në emër të AKR-së në Gjilan./rajonipress/