Të zvogëlohet pragu zgjedhor dhe numri i deputetëve

Njohësi i proceseve zgjedhore, Mazllum Baraliu ka mirëpritur nisjen e reformës zgjedhore nga presidenti i vendit.

Ai ka thënë se një reformë zgjedhore e mirëfilltë mund të ndodhë nëse do të ketë përfshirje të plotë të gjithë spektrit politik dhe shoqërisë civile.

Në këtë intervistë dhënë për gazetën “Epoka e re”, Baraliu ka propozuar që pragu zgjedhor të ulet në 3.5 për qind.

Ai ka thënë se zvogëlimi i pragut zgjedhor do ta bënte shumë më fleksibil krijimin e koalicioneve qeverisëse, kurse qeveria do të ishte më gjithëpërfshirëse.

Baraliu ka theksuar se në këtë reformë zgjedhore duhet të përfshihet edhe zvogëlimi i numrit të deputetëve dhe ndryshimi i sistemit zgjedhor.

“Ndodh që një komunë e vogël në Kuvendin e Kosovës të ketë deri në gjashtë deputetë, ndërsa disa komuna të tjera nuk përfaqësohen me asnjë deputet”, ka theksuar Baraliu. /Telegrafi/