Të avancohet barazia gjinore
Gjilan – Me këtë rregullore mbrohet, trajtohet dhe vendoset barazia gjinore, si bazë themelore e zhvillimit demokratik të shoqërisë në Komunën e Ranillugut, mundësi të barabarta për kontributin e tyre në zhvillimin ekonomik, shoqëror dhe kulturor, si dhe në të gjitha sferat e jetës. Shpresoj që kjo rregullore të jetë një shtytje për gratë, që sa më tepër të kyçen në punën e vetë institucioneve, në procesin e vendimmarrjes, si dhe në procesin e planifikimit të buxhetit të komunës ka theksuar Vesna Mikiq.
Në bashkëpunim me OSBE, komuna e Ranillugut në periudhën e kaluar ka punuar në hartimin e rregullores komunale për barazi gjinore. Për të sqaruar më shumë këtë rregullore në lokalet e komunës së Ranillugut në Domaroc është mbajtur një dëgjim publikë.
Në këtë dëgjim publikë së bashku me udhëheqjen e komunës Gradimir Mikiq dhe kryesuesin e Kuvendit Vlladica Aritonoviq kanë marrë pjesë edhe Deputetja e Kuvendit të Kosovës zonja Vesna Mikiq, përfaqësueset e grupit të grave delegate, përfaqësuesit e OSBE-s, si dhe qytetarët e komunës së Ranillugut.
“Me këtë rregullore mbrohet, trajtohet dhe vendoset barazia gjinore, si bazë themelore e zhvillimit demokratik të shoqërisë në Komunën e Ranillugut, mundësi të barabarta për kontributin e tyre në zhvillimin ekonomik, shoqëror dhe kulturor, si dhe në të gjitha sferat e jetës. Shpresoj që kjo rregullore të jetë një shtytje për gratë, që sa më tepër të kyçen në punën e vetë institucioneve, në procesin e vendimmarrjes, si dhe në procesin e planifikimit të buxhetit të komunës”ka theksuar Vesna Mikiq.
Kryetari i komunës Gradimir Mikiq është pajtuar me fjalët e deputetes Mikiq dhe ka shtuar se komuna është në rrugë të mirë që barazinë gjinore ta ngritë në nivel më të lartë. “Kjo rregullore është vetëm fillimi i aktiviteteve të cilat në periudhat e ardhshme do të punohet, e gjitha për qëllim të përmirësimit të pozitës së gruas” ka thënë ai.
Qytetarët gjithashtu kanë pasur mundësin të japin propozime dhe sugjerime që do të munden t`ii radhisin në rregullore dhe kështu të vijë deri te versioni përfundimtar./rajonipress/