Tare dëshiron të bëhet trajner i Kombëtares

Igli Tare nuk e fshehë dëshirën që të bëhet trajner i Kombëtares shqiptare në të ardhmen. Ish-kapiteni shpreson që me të në krye, Shqipëria të mund të kualifikohet në një kompeticion të rëndësishëm ndërkombëtar.

Igli Tare, drejtori sportiv i Lazios, nuk e fshehë dëshirën për tu bërë trajner i Kombëtares shqiptare, në të ardhmen. Ish-kapiteni kuqezi shpreson që me të në krye, Shqipëria të mund të kualifikohet në një kompeticion të rëndësishëm ndërkombëtar.

“Nuk mund ta quaj më një sekret, sepse e kam shprehur dhe më përpara. Unë jam vetëm tifoz i një skuadre, dhe kjo është Kombëtarja shqiptare. Ka qenë krenari e madhe që kam luajtur në këtë kombëtare dhe mbaja shiritin e kapitenit të skuadrës, por mbi të gjitha do të kisha dëshirë që një ditë të drejtoja si trajner këtë skuadër”, ka thënë Tare në një intervistë në emisionin “Kontrata” në “Agon Channel”,

“Nuk kam pasur asnjëherë ambicie për të qenë president i Federatës. Është krijuar një ide e gabuar. Dëshira ime është dhe mbetet të jem në mbështetje të Kombëtares shqiptare për të realizuar atë ëndërr që kjo skuadër të na prezantojë në një eveniment madhor në arenën ndërkombëtare”, shtoi ai.