Fidanishtja

Ekspertët ndërkombëtarë tregojnë ku mund të sfidohet aktgjykimi ndaj ish-krerëve të UÇK-së

Ekspertët ndërkombëtarë tregojnë ku mund të sfidohet aktgjykimi ndaj ish-krerëve të UÇK-së

Kosova po përgatit një strategji për t’i mbështetur katër ish-krerët e UÇK-së në apelin kundër dënimeve për krime lufte në Hagë.

Disa ekspertë ndërkombëtarë që folën për Radion Evropa e Lirë tregojnë çfarë mund të bëjë Kosova dhe se cilat janë pikat ku mund të rrëzohet aktgjykimi dënues i shtatorit për katër ish-krerët e UÇK’së.

Mathias Holvoet, ligjërues i së Drejtës Penale Ndërkombëtare në Universitetin e Amsterdamit, thotë se një mund të jetë Ndërmarrja e Përbashkët Kriminale dhe lidhja me të.

Hidromorava

“Është e qartë se janë kryer krime, por çështja kryesore është ndërlidhja e tyre me Ndërmarrjen e Përbashkët Kriminale. Pikërisht mbi këtë bazë do të përpiqesha ta kundërshtoja aktgjykimin. Pra, nëse ka ekzistuar një qëllim i përbashkët sepse për një Ndërmarrje të Përbashkët Kriminale duhet të ekzistojë një qëllim i tillë”.

Ndërkaq, Carsten Stahn, profesor i së Drejtës Penale Ndërkombëtare dhe Drejtësisë Globale në Universitetin e Leidenit dhe në Universitetin Queen’s në Belfast, sheh gjithashtu hapësirë për argumente juridike rreth interpretimit të Ndërmarrjes së Përbashkët Kriminale, por ai e identifikon edhe një tjetër.

“Çështja e dytë është mënyra se si gjyqtarët i kanë përcaktuar dënimet dhe cili ligj duhet të shërbejë si bazë për to. A kanë të pandehurit të dënohen sipas ligjit që ishte në fuqi në kohën e kryerjes së veprave apo përparësi ka korniza ligjore e Dhomave të Specializuara të Kosovës”.

Ndërkohë, William Schabas, profesor dhe akademik kanadez, i specializuar në të drejtën penale ndërkombëtare dhe të drejtat e njeriut, tha se Qeveria mund t’i ndihmojë financiarisht ekipet e mbrojtjes, por se s’është e pranueshme të nisë fushata e lobim.

“Nëse Qeveria e Kosovës dëshiron të ndihmojë financiarisht për t’i ndihmuar të pandehurit të angazhojnë ekipet e tyre juridike, kjo nuk do të ishte e pazakontë. Por, nëse synon forma të tjera të përfshirjes si fushatë apo lobim, nuk do të mendon se kjo do të ishte e pranueshme”.

Grupi Punues, që u formua për hartim të strategjisë për përballje në Apel, i kryesuar nga ministri i Jashtëm, Glauk Konjufca, ka thënë se do të punojnë në konfidencialitet.

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.