Taksistët kamenicas kërkojnë të operojnë në relacionin Kamenicë – Gjilan

Kamenicë – Kryetari i komunës së Kamenicës, Begzad Sinani, së bashku me ushtruesin e detyrës së drejtorit të inspektoratit, Refik Latifi dhe inspektorin e komunikacionit, Sadullah Dërmaku, të premten kanë pritur taksistët e komunës së Kamenicës ku janë njohur me kërkesat e tyre.

Taksistët e Kamenicës kanë kërkuar nga kryetari i komunës së Kamenicës, Begzad Sinani, për marrjen e masave urgjente për shqyrtimin e kërkesave të tyre.

Kërkesa kryesore e taksistëve kamenicas ka të bëjë me operimin në transportin ndërkomunal të udhëtarëve Kamenicë – Gjilan. “Të arrihet një marrëveshje në komunën e Gjilanit e cila ka bërë marrëveshje edhe me komunat tjera (Vitia – Presheva). Nëse nuk arrihet një marrëveshje me komunën e Gjilanit, ne jemi të detyruar të protestojmë në forma tjera në interes tonë” kanë thënë taksistët.

Kryetari i komunës së Kamenicës, Begzad Sinani, pas dëgjimit të kërkesave të të gjithë taksistëve, u premtoj se do të takohet me kryetarin e komunës së Gjilanit, Lutfi Haziri.

“Jam i gatshëm për bashkëpunim me ju dhe unë si kryetar do të bëjë të pamundurën për zgjedhjen e këtyre problemeve. Ne do të mundohemi që të bëjmë marrëveshje si është bërë me komunën e Vitisë dhe Preshevës, të bëhet marrëveshja edhe për komunën e Kamenicës“ ka thënë Sinani.

Kurse, inspektori i komunikacionit, Sadullah Dërmaku, tha se mund të bëhet marrëveshja mes komunës së Kamenicës dhe asaj të Gjilanit, por duhet të nënshkruhet marrëveshja nga dy kryetarët e komunave dhe të dorëzohet tek ministria për vërtetimin e kësaj marrëveshje, dhe pas vërtetimit, marrëveshja do të shkojë edhe tek policia./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).