Tabelat e rrugëve në Viti, të pakapshme për syrin e drejtuesve të automjeteve

Viti – EVSB ka identifikuar dy rrugë në Viti, të cilave u mungojnë tabelat orientuese me emërtim të rrugëve.

EVSB, nga afër ka identifikuar disa tabela të cilat gjenden të shtrira rreth “Lumit Morava”, në Viti, mbrapa kontejnerëve që hedhen mbeturinat.

Në mungesë të tabelave që tregojnë emërtimin e rrugëve, këtë rast drejtuesit e automjeteve janë të çorientuar, shkaku i mungesës së tabelave dhe nuk dijnë se si të orientohen dhe se ku gjenden rrugët: “Rexhep Bislimi” dhe rruga e UÇK-së!

Tabelat që shënojnë emërtimin e Rrugës: Rexhep Bislimi dhe Rruga e UÇK-së, gjenden të shtrira për dhe skaj Lumit Morava, afër rreth rrotullimit te xhamia e qytetit, që shpie për tek Stacioni i autobusëve.

Po u paraqesim fotot e tabelave nga vendi i ngjarjes, arsyet pse janë hedhur këto tabela nuk dihen!

Ftojmë organet përkatëse të dalin në vendndodhje dhe tabelat të vendosen nëpër vendet e tyre thuhet në reagimin e koordinatorit të EVSB-së, për Komunën e Vitisë, Imri Emërllahu./rajonipress/