Sulmet e pushtetit ndaj sistemit të drejtësisë, Tahiri: Nuk janë as idiotike as të paqëllimta, janë kalkulime të ftohta e të liga

Besnik Tahiri, nga Aleanca për Ardhmërinë e Kosovës, ka reaguar në lidhje me sulmet që po bëhen ndaj sistemit të drejtësisë, nga ana e pushtetit, duke thënë se këto deklarata janë kalkulime të ftohta dhe të liga.

Tutje, Tahiri ka shtuar edhe se qeveria me këtë gjuhë ndaj sistemit të drejtësisë po shkelin arritjet historike.

“Deklarata e tri ditëve të fundit të qeverisë kundër sistemit të drejtësisë nuk janë as idiotike dhe as të paqëllimta. Këto janë kalkulime të ftohta dhe të liga. Qeveria më këtë gjuhë të Kryeministrit e Ministrisë së Drejtësisë janë duke shkelur arritjet historike, që ndodhin një herë në njëqind vjet, e në veçanti në 25 vitet e fundit.

Kurti me comrades dëshiron ta thyejë në mes, ta copëtojë këtë trashëgimi. Pastaj ligji dhe drejtësia mbeten vetëm një poligon i populizmit dhe propagandës nga njerëz të mbushur me mllef si rezultat i mungesës së arritjeve dhe humbjes së pashmangshme me 9 shkurt”, ka shkruar Tahiri.