Suksesi i Donat Sylës në kampionatin Ballkanik për Yutha në Rumani

Trajneri i KB Dritës dhe përzgjedhësi i Kombëtares së Kosovës në boks, Musli Zymberi, ka përshkruar rrugëtimin e boksierit Donat Sylës, fitues i medaljes së artë në Kampionatin Ballkanik.

“Kampionati u mbajt në Ramnicu-Valcea. Shorti deshti që Donati të boksojë dy ndeshje, në gjysmë finale kundërshtarë e kishte bokserin nikoqir Strugariu Rauk.
Ky bokser kishte një përvojë të mirë ndërkombëtare, por Donati rundin e parë e filloi, me shtrëngim të tepruar, pa e përfunduar rundin arriti që të lirohet dhe të fitoj rundin. Dy rundet tjera boksoi për mrekulli, sidomos rundi i tretë ishte fenomenal, dora e parë punoi pa ndërpre dhe shumë saktë. Referëve nuk u mbeti tjetër pos me vendim unanim ta shpallin fitues Donatin. Ndeshja finale ishte sfida tjetër e Donatit, e them sfidë ngase, kundërshtari i Donatit Nijaz Kunovac, me short kishte shkuar drejt në finale, që do të thotë, se përparësia ishte në favor të tij.
E para ata kanë pasur rast ta shohin Donatin duke boksu dhe të analizojnë në detaje mënyrën e të boksuarit dhe favori i dytë ishte se rivali ishte më i pushuar.
Në finale Donati boksoi mençurish, duke e shfrytëzu gjatësinë dhe punën në distancë, ku në fund me shumë meritë, me vendim unanim shpallet fitues.
Kjo e arritur e Donatit në kampionat Ballkanik për yutha, është e para, prej kur ekziston boksi Gjilanas.
Shpresojmë se ky është fillimi i sukseseve. Puna, përkushtimi, serioziteti dhe përkrahja nga familja, sigurisht që do të kurorëzohen me suksese. E ardhmja do ta dëshmojë”./rajonipress/