Sinani synon furnizimin me ujë në qytet e fshatra

Kamenicë – Begzad Sinani ka mbajtur një takim me Menaxherët e projekteve, Drejtor të Drejtorive, dhe zyrtarë tjerë. Në këtë takim temë e diskutimit ishte hartimi i projekteve dhe aplikimi nëpër institucione që Investojnë si Ministri, zyret e BE, Ambasada, Organizata të ndryshme etj.

Si prioritet më urgjente për Komunën e Kamenicës, Sinani ka përmendur furnizimin me ujë të pijshëm në qytet dhe fshatra, formimi i një komisioni për menaxhimin e thatësisë gjatë verës, rregullimi i kolektorëve të ujërave të zeza, mirëmbajtja e hapësirave publike dhe largimi i deponive të egra, dhe rregullimi i rrugëve lokale, etj.

Kryetari Sinani kërkoi nga ta që të përgatisin listën e projekteve duke u bazuar në prioritetet e Këshillave Lokale dhe të dërgohet në Kuvend për miratim dhe të fillojmë me aplikime për mundësinë e marrjes së Investimeve./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).