Si lindi mëhalla e romëve në Gjilan ose “Çiçekë mëhalla”

Gjilan – E njohur si mëhalla e romëve myslimanë, lagje e themeluar në hapësirën kadastrale “Dheu i Bardhë”, në verilindje të qytetit, në vendin ku edhe tani jetojnë romët e kësaj lagjeje. Është ndër lagjet më të vjetra në Gjilan, e formuar nga romët myslimanë të ardhur nga fshatrat e rrethinës, të Preshevës dhe Kumanovës.

Pas zjarrit 1830, ka ardhur një numër i madh i romëve myslimanë nga Masurica, si rindërtues të Gjilanit, një pjesë e të cilëve është vendosur në këtë lagje.

Kështu nga dokumentet osmane të viteve 40-të mësojmë se në këtë lagje kishte 36 shtëpi me 180 banorë. Këtë lagje e quajnë edhe si “Çiçekë mëhallë” për shkak të muzikës e valleve të shpeshta thuhet në librin e historianit Aliriza Selmani:” Gjilani qendër e Anamoravës nga themelimi deri në gjysmën e parë të shekullti XX”./rajonipress/