Si e ndryshoi Zajednica formën derisa depërtoi?

Nga Arben Kurteshi – Si ja ndryshoj formën “Zajednicës” fqiu verior derisa zbuloi vrimat në themelin e shtetit tonë dhe depërtoj në qendër të republikës?

Projekti “Zajednica” është si uji, duke ndryshuar formën sipas mundësive dhe rrugëve; shfaq plasaritje në rrugë dhe depërton në çdo kënd; por kur bëhet nxehtë avullohet.

Uji nuk njeh ligjet, marrëveshjet, besën, apo sovranitetin; prandaj është vendimtar që shteti të ndërtohet mbi themele të cilat uji nuk mund t’i tejkalonë; në të kundërtën e shkatërron shtetin tonë të ri.

Integrimi i pakicës serbe në republikën tonë është detyrë proaktive e brendshme që kërkon vendosjen e qëllimeve dhe caktimin e synimeve bashkërisht.

Por, ndalja jonë në çdo sfidë, në çdo udhëkryq duke marrë vendime të reja dëshmon se ne vetë nuk e dimë cakun, dhe mu kështu mund ta humbasim drejtimin dhe qëllimin tonë.

Fqiu verior nuk pranon të firmosë asgjë për “Zajednicën”, duke e bërë njohjen dhe dëmshpërblimin si marrëveshjen të vetme të pranueshme nga ne.