Shteti lejon dhunën në shkolla
Mësimdhënësit frikësohen nga nxënësit. Niveli i pasigurisë në shkolla ka arritur deri aty sa edhe mësimdhënësit të dorëzohen përpara nxënësve problematikë.
Dhuna ndërmjet nxënësve po etiketohet me “hasmërinë”, e cila sipas profesorëve në shkolla nuk mund të përkufizohet vetëm me vrasjet, pasi janë të shumta rastet kur nxënësit shpëtojnë nga vdekja nga thika e shokut të klasës apo bashkëmoshatarët.
Madje, këto raste bashkë me rrahjet ndërmjet nxënësve po shihen si të zakonshme nëpër shkolla për dallim nga vrasjet. Dy javë më parë në shkollën e mesme “Aleksandër Xhuvani” në Podujevë dy nxënës të klasës së dhjetë janë qëlluar me thikë nga një bashkëmoshatar i tyre.
Memorandumi i mirëkuptimit të Ministrisë së Arsimit, Shkencës dhe Teknologjisë (MASHT) me Policinë e Kosovës ka dështuar. Shkollat nuk janë ambiente të siguruara për nxënësit…(zëri)