Shteti i padrejtësive

Në Kosovë mungon sundimi i ligjit. Qytetarëve u shkelen të drejtat e garantuara me Kushtetutë

“Zhgënjimi është i madh, dëshpërimi është i madh. Procedurat zgjasin tepër, me dekada, dhe qytetarët më leverdi kanë t’i zgjidhin çështjet sipas kanunit, natyrisht ne nuk jemi për atë, sesa po e zëmë t’ia dërgojnë një rast gjykatës”, ka thënë Smaka

Krerët e shtetit në vazhdimësi bëjnë thirrje për të luftuar korrupsionin dhe dukuritë e tjera negative që ekzistojnë bashkë me të. Në tërësi fushëveprimtaria e sistemit të drejtësisë në Kosovë lë shumë për të dëshiruar. Pothuajse i tërë fjalori i liderëve është i mbushur me fuqizimin dhe rritjen e efikasitetit në gjykatat dhe prokuroritë, por në praktikë është vetë politika që ka kapur institucionet që duhet ta luftojnë korrupsionin dhe krimin e organizuar.

Qytetari i Kosovës e sheh mosefikasitetin e drejtësisë duke nisur që nga çështjet më private, siç është për shembull zvarritja e lëndëve nëpër gjykata, nganjëherë edhe me dekada. As Prokuroria e as gjykatat ende nuk e kanë treguar një pasqyrë të suksesshme që do të shpaloste punën e mirëfilltë të tyre. Ne jemi dëshmitarë që drejtësia e Kosovës për këta 16 vjet liri shënoi një numër të konsiderueshëm skandalesh, duke bërë që të bjerë edhe besimi i qytetarëve në të.

Në anën tjetër, përderisa pushtetarët flasin ditë e natë për anë- tarësim në Bashkimin Evropian, duhet të mos harrojnë që kjo më shumë se vullnet apo retorikë kërkon punë, vepra që do të prodhonin veprime efikase të drejtësisë në luftimin e së keqes dhe të paligjshmes…Të shëndetshëm dhe vital: 7 fshehtësi për të humbur peshë pa dietë./kosova sot/