Shtëpia e Vaçe Zelës do të shndërrohet në muze

Këtë gjë e ka pohuar sot kryetari i Bashkisë së Lushnjës, Fatos Tushe. Shtëpia ku u lind dhe u rrit ikona e muzikës shqiptare, Vaçe Zela është shndërruar në një godinë të braktisur.

Lagjja ku ndodhet shtëpia e këngëtares Vaçe Zela në Lushnjë do të marrë emrin e saj dhe shtëpia ku këngëtarja u lind dhe u rrit do të bëhet muze. Këtë gjë e ka pohuar sot kryetari i Bashkisë së Lushnjës, Fatos Tushe.

Shtëpia ku u lind dhe u rrit ikona e muzikës shqiptare, Vaçe Zela është shndërruar në një godinë të braktisur. Banesa e vogël, jo vetëm që nuk është mirëmbajtur, por është lënë në harresë nga pronarët aktualë, të cilët e kanë blerë atë disa vite më parë. Ndërkohë, ndarja nga jeta e këngëtares së madhe Vaçe Zela ka shkaktuar hidhërim të madh tek familjarë dhe banorë të zonës ku ajo u rritë.

Madje, ata kujtojnë me nostalgji momentet kur Vaçja këndonte jo vetëm për kënaqësinë e spektatorëve në festivale, por këngën e saj e shijonin edhe pacientët e sëmurë, për shkak se banesa e saj ishte pranë spitalit të Lushnjës./KultPlus.com