Shqiptari që po kërkon ta nxjerrë Australinë nga “pusi”

Prishtinë – Taip Ramadani është i përgatitur për atë që e pret skuadrën e tij në Botërorin e hendbollit që mbahet në Spanjë nga 11 deri më 27 janar. Ramadani është përzgjedhës i Australisë, përfaqësueses që vlerësohet të jetë më e dobëta në botërorin e 23-të për hendbollistë.

Australia llogaritej më e dobëta edhe në botërorët e kaluar. Në katër kampionatet e fundit botërore, Australia përfundoi e fundit (24).

Për këtë arsye, synimet e Ramadanit nuk janë shumë të mëdha. Trajneri kosovar synon që me Australinë të sigurojë një fitore dhe të shmangë pozitën e fundit.”Synimet tona janë që të përfundojmë më mirë se në kampionatin e kaluar. Synojmë së paku një fitore apo ndoshta një befasi”, ka thënë Ramadani për gazetë.(koha)