Shqiptari 15 vjeç, deri në Austri i ngujuar në kamion

Një djalosh 15 vjeçar nga Shqipëria është paraqitur të premten në një stacion policor në Pinzgau, Austri duke thënë se ka ikur nga Shqipëria, pasi që në shtëpi kishin ushtruar dhune ndaj tij.

Ai, sipas rrëfimit të tij, nuk kishte mundur të duronte më këtë gjendje. Por, siç beson policia, gjithë rrugën prej rreth 1200 kilometrash deri në Pinzgau të Salzburgut të Austrisë ai e ka bërë i ngujuar në një kamion.

Policia thotë se aktualisht nuk ka të dhëna tjera për djaloshin. Me pajtimin e policisë dhe autoriteteve për të huaj, ai është strehuar fillimisht te njerëz të afërm të familjes së tij. Ndërkohë policia është duke kryer hetime për rastin e tij(albinfo.ch)