Shpërthen Mehmedi, Xhaka ndëshkohet me karton të kuq

Admir Mehmedi ka shënuar dy gola tejet të rëndësishëm për Freiburgun, duke udhëhequr fitoren 4:2 ndaj Borussia Monchengladbach. E, te këta të fundit, Granit Xhaka u ndëshkua me karton të kuq në rikthimin e tij si titullar.

Shpërthen Admir Mehmedi. Sulmuesi shqiptar ka arritur të realizojë dy gola në fitoren 4:2 të skuadrës së tij, Freiburg, ndaj Borussia Monchengladbach.

Anëtari i Përfaqësueses së Zvicrës arriti të realizojë golin e parë dhe të fundit të Freiburgut, në këtë fitore tejet të rëndësishme që i mban ata larg tri pozitave të fundit të renditjes.

Golin e tij të parë, Mehmedi e realizoi në minutën e 51-të të takimit, teksa të fundit në të 87-ën.

Ndryshe, te Borussia në këtë sfidë titullar u rikthye mesfushori, Granit Xhaka, por ai ishte i pafat.

Graniti u ndëshkua me karton të kuq në minutën e 69-të të sfidës, pasi paraprakisht ishte ndëshkuar me të verdhë.